En Ítaca xa temos preparados os agasallos de Nadal para comezar o 2019 con enerxía e aprendizaxe!
INICIACIÓN AO TEATRO con Elea López
Comezaremos o 19 e 20 de xaneiro cun curso de INICIACIÓN AO TEATRO, impartido por Elea López, dirixido a todas as persoas que queiran ter unha primeira toma de contacto con esta disciplina, tanto para os que queiran achegarse a pasar un bo anaco como para os que queiran descubrir a metodoloxía que aplicamos en Ítaca de cara a continuar formándose durante o curso.
HORARIO:
19 de xaneiro, de 16h a 20h
20 de xaneiro, de 10 a 14h e de 16 a 20h
PREZO: 60€ (descontos para alumn@s de Ítaca e para quen se inscriba en máis dun intensivo deste trimestre)
DRAMATURXIA con Ernesto Is
Continuamos o 23 e 24 de febreiro co curso de DRAMATURXIA impartido por Ernesto Is. Este premiado dramaturgo daranos as ferramentas precisas para escribir un bo guión teatral (palabra e acción), desenvolvendo a imaxinación e aplicando dende a práctica. A través do texto (palabras e movementos) deseñaremos mundos e xeraremos situacións coas diversas ferramentas da escrita dramática: personaxes, tempos e espazos, conflitos, estruturas, obxectivos…
HORARIO:
23 de febreiro de 10 a 14h e de 16 a 20h
24 de febreiro de 10 a 14h
PREZO: 70€ público xeral. 65€ alumn@s de Ítaca ou para quen se inscriba en máis dun intensivo este trimestre
VOZ con Cristina Domínguez
E, para rematar este trimestre, Cristina Domínguez, profe de técnica vocal na ESAD de Galicia e cun currículo cargado de grandes proxectos, impartirá este curso de VOZ o 16 e 17 de marzo. A través da exploración, da flexibilidade, expresión e capacidade de comunicación da voz, procurarase o rendemento da mesma como instrumento dramático, para finalmente, aplicar a técnica vocal ao traballo práctico de interpretación. Destinado a actores e actrices que queiran mellorar a técnica vocal, como persoas que empreguen a voz no seu día a día laboral e queiran descubrir as potencialidades da mesma.
HORARIO:
16 de marzo de 10 a 14h e de 16 a 20h
17 marzo de 10 a 14h
PREZO: 70€ público xeral. 65€ alumn@s de Ítaca ou para quen se inscriba en máis dun intensivo este trimestre
MÁIS INFO E INSCRICIÓNS:
635 852 267
hola@itacaartesescenicas.com
Comentarios recientes